ܩܝܢܬܐ ܗ

ܦܬܓܡܐ:

ܪܟܶܒ ܥܰܠ ܟܪ̈ܽܘܒܶܐ ܘܰܦܪܰܚ. ܘܛܳܣ ܥܰܠ ܟܶܢ̈ܦܶܐ ܕܪܽܘܚܳܐ ܗ̄܀

ܬܒܪܬ‌ܐ:

ܒܗܳܢܳܐ ܥܺܐܕܳܐ ܕܗܳܐ ܚܳܕܝܳܐ ܒܶܗ ܫܡܰܝܳܐ ܘܰܐܪܥܳܐ: ܚܰܕܳܐ ܠܥܺܕܬܳܟ ܘܢܰܛܰܪ ܝܰܠܕܶܝ̈ܗ̇ ܒܣܽܘܠܳܩܳܟ ܡܳܪܝ܀

ܫܰܝܢܳܐ ܕܫܰܝܶܢ ܠܰܫ̈ܡܰܝܳܢܶܐ ܘܠܰܐܪ̈ܥܰܢܳܝܶܐ: ܫܰܝܶܢ ܠܥܺܕܬܳܟ ܘܢܰܛܰܪ ܠܝܰܠܕܶܝ̈ܗ̇ ܒܣܽܘܠܳܩܳܟ ܡܳܪܝ܀

ܩܕܡ ܐܘܢܓܠܝܘܢ

ܬܶܫܒܽܘܚܬܳܐ ܘܗܶܕܪܳܐ ܘܪܽܘܡܪܳܡܳܐ ܡܕܰܫܢܺܝܢܰܢ ܠܓܰܐܝܳܐ ܘܓܰܢ̱ܒܳܪܳܐ ܘܬܰܩܺܝܦ ܥܽܘܫܢܳܐ. ܥܰܠ ܦܽܘܪܩܳܢܳܐ ܘܙܳܟ̣ܽܘܬ̣ܳܐ ܕܥܰܡܳܟ ܝܺܣܪܳܐܶܝܠ܀

ܟܰܕ ܡܥܰܢܝܳܐ ܡܰܪܝܰܡ. ܒܰܦܠܰܓ̈ܶܐ. ܘܒܰܪ̈ܒܺܝܥܶܐ. ܠܝܰܗ ܡܳܪܝܳܐ܀

ܗܰܠܶܠܘ̱ ܗܰܠܶܠܘ̱ ܗܰܠܶܠܽܘܢܳܝܗܝ. ܠܺܐܝܠ ܬܰܩܺܝܦܳܐ. ܕܰܣܠܶܩ ܠܪܰܘܡܳܐ ܠܘܳܬ ܫܳܠܽܘܚܶܗ܀

ܫܰܒܰܚܘ̱ ܫܰܒܰܚܘ̱ ܫܰܒܰܚܽܘܢܳܝܗܝ. ܠܺܐܝܠ ܥܰܫܺܝܢܳܐ. ܕܰܣܠܶܩ ܠܪܰܘܡܳܐ ܠܘܳܬ ܫܳܠܽܘܚܶܗ܀

ܙܰܡܰܪܘ̱ ܙܰܡܰܪܘ̱ ܙܰܡܰܪܽܘܢܳܝܗܝ. ܠܺܐܝܠ ܥܰܙܺܝܙܳܐ. ܕܰܣܠܶܩ ܠܪܰܘܡܳܐ ܠܘܳܬ ܫܳܠܽܘܚܶܗ܀

ܡܶܛܽܠ ܕܰܡܫܰܒܚܳܐ ܐܺܝܬ̣ܰܘܗ̱ܝ܀

ܒܬܪ ܐܘܢܓܠܝܘܢ ܒܩ̄: ܩܽܘܩܳܝܳܐ - H

ܙܳܚܘ ܠܶܓ̈ܝܽܘܢܶܐ ܕܡܰܠܰܐܟ̈ܶܐ ܠܺܐܝ̣ܩܳܪ ܡܰܠܟܳܐ: ܕܰܚܙܰܘ ܕܰܣܠܶܩ ܠܰܫܡܰܝܳܐ ܘܰܬܡܰܗܘ ܕܰܢܫܰܐܠܽܘܢ. ܡܰܢܽܘ ܗܳܢܳܐ: ܕܳܐܬܶܐ ܡܶܢ ܐܰܕܽܘܡ. ܘܢܰܚ̈ܬܰܘܗܝ ܦܺܝ̈ܠܺܝܢ ܒܰܕܡܳܐ ܕܰܩܢܽܘܡܶܗ. ܗܳܢܰܘ ܡܰܠܟܳܐ ܓܰܢ̱ܒܳܪܳܐ: ܕܰܫܒܳܐ ܫܒܺܝܬܳܐ. ܐܰܪܺܝܡܘ ܬܰܪ̈ܥܶܐ ܪ̈ܺܝܫܰܝܟܽܘܢ ܕܢܶܥܽܘܠ ܒܬܶܫܒܽܘܚܬܳܐ ܗ̄ܘܗ̄܀

ܠܘܛܢܝܐ ܒܩ̄: ܢܶܩܝܳܐ ܗܘܺܝܬ - H

ܣܠܶܩ ܐܰܠܳܗܳܐ ܠܰܫܡܰܝܳܐ: ܘܓܰܐܝܳܐ ܥܰܠ ܟܶܢ̈ܦܶܐ ܕܪܽܘܚܳܐ. ܘܬܶܡܗܳܐ ܢܦܰܠ ܒܣܶܕܪ̈ܶܐ ܕܥܺܝܪ̈ܶܐ: ܕܰܚܙܰܘ ܕܡܶܣܬܰܠܰܩ ܒܙܰܘܚܳܐ܀

ܡܰܢܽܘ ܕܳܐܬܶܐ ܡܶܢ ܐܰܕܽܘܡ: ܘܰܨܒܺܝܥ ܒܰܕܡܳܐ ܕܰܩܢܽܘܡܶܗ. ܐܰܠܳܗܰܐ ܗܘ ܓܰܢ̱ܒܳܪ ܚܰܝܠܳܐ: ܕܢܶܨܚܳܢܳܐ ܪܫܺܝܡ ܒܰܟܪܽܘܡܶܗ܀

ܐܰܪܺܝܡܘ ܬܰܪ̈ܥܶܐ ܪ̈ܺܝܫܰܝܟܽܘܢ: ܪܰܘܡܳܐ ܠܘܳܬ ܪܰܘܡܳܐ ܩܳܪܶܐ: ܐܶܬܬܪܺܝܡܘ ܬܰܪ̈ܥܶܐ ܕܡܶܢ ܥܳܠܰܡ: ܕܢܶܥܽܘܠ ܡܰܠܟܳܐ ܕܺܐܝ̣ܩܳܪ̈ܶܐ܀

ܫܽܘܒܚܳܐ ܠܒܽܘܟܪܶܗ ܕܥܶܠܳܝܳܐ: ܕܝܰܗܒ ܢܰܦܫܶܗ ܚܠܳܦܰܝܢ ܠܕܶܒܚܳܐ. ܘܩܳܡ ܢܰܨܺܝܚ ܒܰܬܠܺܝ̣ܬܳܝܳܐ: ܘܰܣܠܶܩ ܠܰܫܡܰܝܳܐ ܒܫܽܘܒܚܳܐ܀

ܠܙܽܘܝܳܚܳܐ ܕܩܽܘܪܳܒܳܐ: - H

ܡܳܪܰܢ ܐܶܬܪܰܚܰܡܥܠܰܝܢ. ܡܳܪܰܢ ܚܽܘܣ ܘܪܰܚܶܡܥܠܰܝܢ. ܡܳܪܰܢ ܥܢܺܝܢ ܘܪܰܚܶܡܥܠܰܝܢ܀

ܬܗܰܪܘ ܥܺܝܪ̈ܶܐ ܕܰܚܙܰܘ ܠܡܳܪܰܢ: ܕܰܪܟܺܝܒ ܥܰܠ ܟܶܢܦܳܐ ܕܪܽܘܚܳܐ. ܘܰܒܗܶܕܪܳܐ ܪܰܒܳܐ ܣܳܠܶܩ: ܛܪܰܦܘ ܓܶܦ̈ܶܐ ܕܙܰܘܥܳܐ ܘܶܐܡܰܪܘ ܗ̄܀

ܡܰܢܽܘ ܕܳܐܬܶܐ ܡܶܢ ܐܰܕܽܘܡ: ܘܰܨܒܺܝܥܺܝܢ ܡܳܐܢܰܘ̈ܗܝ ܒܰܕܡܳܐ. ܗܳܢܰܘ ܡܳܪܝܳܐ ܓܰܢ̱ܒܳܪܳܐ: ܐܰܪܺܝܡܘ ܬܰܪ̈ܥܶܐ ܪ̈ܺܝܫܰܝܟܽܘܢ ܗ̄܀

ܠܰܐܠܳܗܳܐ ܫܽܘܒܚܳܐ ܒܪܰܘܡܳܐ. ܘܰܠܝܳܠܶܕܬܶܗ ܪܽܘܡܪܳܡܳܐ. ܘܰܠܣܳܗ̈ܕܶܐ ܟܠܺܝ̣ܠ ܩܽܘܠܳܣ̈ܶܐ. ܠܥܰܢܺܝ̈ܕܶܐ ܚܢܳܢܳܐ ܘܪ̈ܰܚܡܶܐ ܗ̄܀

ܗܫܐ ܚܙܝ ܛܟܣܐ ܕܥܐܕܐ ܕܣܘܠܩܗ ܕܡܪܢ

ܚܘܬܡܐ ܒܩ̄: ܐܳܘ ܥܽܘܡܪܳܐ ܕܙܰܒܢܳܐ - H

ܥܰܠ ܛܽܘܪܳܐ ܕܙܰܝ̈ܬܶܐ: ܘܰܥܶܕ ܡܳܪܰܢ ܠܬܰܠܡܺܝ̣̈ܕܰܘܗܝ. ܘܰܐܪܺܝܡ ܗܘܳܐ ܐܝܺܕܰܘ̈ܗܝ: ܘܒܰܪܶܟ ܐܶܢܽܘܢ ܟܰܕ ܐܳܡܰܪ. ܦܽܘܩܘ ܬܰܠܡܶܕܘ ܘܰܐܥܡܶܕܘ: ܒܰܫܡܳܐ ܕܐܪܳܙܳܐ ܬܠܺܝ̣ܬܳܝܳܐ. ܘܰܣܠܶܩ ܠܰܫܡܰܝܳܐ. ܘܗܳܐ ܝܳܬܶܒ ܡܶܢ ܝܰܡܺܝܢܳܐ܀